Восень
RSS FeedО хараство асенніх дзён празрыстых,
Бязгутарнасць прыроды і спакой.
Ўрачыста полем з пушчаў залацістых
Прыйшла туга і пала над вадой.
А там застыла яснасць даляў чыстых
Над цёмнай рунню й чорнай цаліной,
І холад лёгкі ў косах прамяністых
Разліла сонца хваляй нежывой.
Наўкол сляды павольнага канання
І веліч нетутэйшага маўчання.
Прымаю корна сон зямлі азурны.
І летуціцца сцішанай душы
Такі ж спакой, халодны і бязбурны,
І адцвітанне яснае ў цішы.
Апошнiя водгукi
1 год 36 недель назад
1 год 38 недель назад
5 лет 26 недель назад
5 лет 26 недель назад
5 лет 27 недель назад
6 лет 29 недель назад
6 лет 29 недель назад
7 лет 15 недель назад
8 лет 13 недель назад
8 лет 29 недель назад