Восень
RSS FeedСляды гарачыні
Яшчэ на тварах носім,
Ды паплылі ўжо дні
У залатую восень.
Самотны крык гусей
Даносіцца з-пад воблак.
Ў асмужанай красе
Твой бачу, восень, воблік.
Зямлі не адагрэць
Агнём ліствы апошняй,
I ветру песні пець
Пад парыжэлай пожняй.
У хмарах далячынь,
Прасцяг дажджамі повен.
Не плавае ўначы
Маладзіковы човен.
Ды сціхне спеў вятроў,
Надвор'е праясніцца, —
Зямлі вільготнай зноў
Вясновы час прысніцца.
Блакіт нябёс тады
Празрысты, нібы ў маі.
Асеннія сады,
Як вогнішча, палаюць.
Апошнiя водгукi
2 года 32 недели назад
2 года 34 недели назад
6 лет 21 неделя назад
6 лет 22 недели назад
6 лет 22 недели назад
7 лет 24 недели назад
7 лет 24 недели назад
8 лет 11 недель назад
9 лет 9 недель назад
9 лет 25 недель назад