Асенняе
RSS FeedВодгук ціхае споведзі значыцца
У прызнанні асенніх прыўкрас:
Калі восені многа так плачацца,
То, магчыма, за грэшных і нас.
То, магчыма, прыняўшы заведама
Ўсе нягоды людскія як ёсць,
Адбаліць ёй усё, што й паэтамі
Апяваецца як прыгажосць.
Лес чырвоны, тугою запалены,
Сцісне сэрца маўклівай красой.
Тут і кожны лісточак паранены
Ападзе залатою слязой.
Так тужліва-трывожна агледзіцца
I патухне бурштыну касцёр.
Толькі полымем белым адсвеціцца
Іх любоў між бярозак-сясцёр.
Адгукнецца вятрамі нязванымі
Над зямелькаю голас тугі,
Што прыродзе здадуцца жаданымі
I халодныя зоркі — снягі.
Апошнiя водгукi
3 года 43 недели назад
3 года 45 недель назад
7 лет 33 недели назад
7 лет 33 недели назад
7 лет 33 недели назад
8 лет 35 недель назад
8 лет 35 недель назад
9 лет 22 недели назад
10 лет 20 недель назад
10 лет 36 недель назад