Анатоль Вялюгін
RSS FeedДрымотная мільгае ліставея...
Дрымотная мільгае ліставея.
На тратуарах лета іржавее.
У просіні
над вежамі,
над рэкамі
жураўліны рэквіем.
З вясёлым смуткам асыпайся, лісце
забранзавелых каляндарных ісцін.
Вятрамі не развеяна,
не страчана
маладосці спадчына.
За вугальнай смугой дэпо і фабрык
прастор свіціцца, як наліты яблык,
хоць журыцца
над вежамі,
над рэкамі
жураўліны рэквіем.
Уральская восень
А. Агафонаву
Аскомай на зубе трашчыць
рубін кіславатай брусніцы.
Харыус блісне ў карчы
з водмелі быстрай крыніцы.
I полаз-вужака ля скал
апошняю ласкай сагрэта.
Толькі паспелая сталь
бушуе, як вечнае лета.
Здымай са сцяны карабін!
I там, дзе паўстанак двухсоты
запырскае кіслы рубін
патронаў халодныя соты.
Апошнiя водгукi
1 год 20 недель назад
1 год 22 недели назад
5 лет 10 недель назад
5 лет 11 недель назад
5 лет 11 недель назад
6 лет 13 недель назад
6 лет 13 недель назад
7 лет 4 часа назад
7 лет 50 недель назад
8 лет 14 недель назад