Мікола Шабовіч

RSS Feed

АСЕННІ ЭЦЮД

Сярэдняя: 5 (2 галасоў)

Восень аглухлая ходзіць сцежкамі,
Гордая, нават не размаўляе.
Бы перамогай над летам цешыцца,
Злосная ходзіць – і лісце шпурляе.

Дзесьці за рэчкаю дзяцел стукае,
Вечар туман пасівелы сцеле.
Нема бярозы стаяць шматрукія,
Прыкрываючы голае цела.

Вы куды, журавы, куды?...

Сярэдняя: 5 (2 галасоў)

– Вы куды, журавы, куды?
– Мы да сонца, да сіняй вады.
Не залічвайце гэта ў віну:
Мы па песні і па вясну.
Мы па свята зрунелых ніў,
Мы па рэк малады разліў...
А вы думаеце, што мы
Уцякаем кудысь ад зімы?

Даруйце слёзы пані Восені...

Сярэдняя: 5 (1 голас)

Даруйце слёзы пані Восені,
Калі ў чужы, далёкі край
Шпакі ляцяць у стылай просіні
За невядомы небакрай.

Даруйце слёзы пані Восені –
Яна саромеецца слёз.
А што рабіць, калі няпрошана
Лістота сыплецца з бяроз?

Усе аўтары