Жанна Левітан
RSS FeedВосень зноў…
Восень зноў… Плача клін жураўліны
Над суровым маўчаннем бароў…
Жоўты клён ушыркі рукі раскінуў,
Каб мяне захіліць ад вятроў.
Сонца ласціць азёрную роўнядзь
I абшар залатых берагоў…
Восень зноў – і ніхто не віноўны
У халодным бязмоўі лугоў.
Восеньскі альбом
Гэты пейзаж называецца «Восеньскі клён».
Фарбаў не пашкадавала мастачка выдатная.
Гэта малюнак “Бярозава-вохравы сон”.
Зачараваны сусвет прыгажунямі статнымі.
Вось нацюрморт «Спелы яблык». У пажоўклай траве
Ён сакавіты, наліты - духмяная сонейка.
Вось павучок ў невядомую казку плыве,
Зацыраваў небасхіл ніткай срэбнаю тоненькай.
Гэта адзелі рабіны свой лепшы ўбор.
Бачыш, як граюць на сонцы каралі шыкоўныя!
Велічна клін жураўліны штрыхуе прастор.
Вабяць у далеч бясконцую хвалі чароўныя.
Воддаль дубова-асінавы ўспыхнуў пажар.
Размаляваны кусты бы кароны дзівосныя.
Шчодра аздобіў лясоў грабяні залатар.
А гэта вось - я і ты.
Мы вандруем па восені…
Музыка восені
Mузыка восені зноў загучала,
Поўная светлай урачыстай тугі.
Музыка восені мне нагадала
Аб патаемным, аб дарагім.
Музыка восені з крыкам птушыным,
Ветру парывамі, шэптам лісця.
Музыка восені бы напамінак,
Што скарацечная сцежка жыцця…
Апошнiя водгукi
35 недель 5 дней назад
37 недель 6 дней назад
4 года 25 недель назад
4 года 25 недель назад
4 года 26 недель назад
5 лет 28 недель назад
5 лет 28 недель назад
6 лет 14 недель назад
7 лет 12 недель назад
7 лет 29 недель назад