Lazzaro

RSS Feed

"Замуціла" восень баль на здзіўленне свету.

Сярэдняя: 5 (4 галасоў)
"Замуціла" восень баль на здзіўленне свету. Загадала не у паркаль быць на ім адзетым, а ў пурпурную парчу, у багрэц і злата, каб кружылася ўваччу колераў багата. Абвясціла ўсёй зямлі — паркам і дубровам — каб убраныя былі ў модныя абновы, каб старызныя лісты шатаў вокамгненна прыхавалі ў залатых шалях "ад Кардэну". І сама рашыла свой выгляд "замаднячыць" у дызайнерскі "прыкід"— плацце "ад Версачы". Ды не ў блёклую пастэль і не ў замшу Гуччы— у густую акварэль — авангард яркучы. І, як быццам не на баль, а на пір убораў, упрыгожыла дубы ў скуру "ад Діору", разнамасціла тэкстыль клёнаў, а каштанам "навязала" ўладна стыль ад Ів Сэн-Ларану. А пасля, сцягнуўшы ніць сонца на бярозку, захацела аднавіць ейную прычоску і сама, рукой сваёй, незвычайна лоўка "прамятала" коскі ёй першай меліроўкай. Потым далі абышла, абляцела блізі. Лісце ветрыкам змяла с кронаў дрэў — да рыззя. Насваволіўшы вакол, рэшту ўзварушыла і, услаўшы ёю дол, дожджыкам "прашыла". 4.09.2014Air Jordan Horizon AJ13

Кастрычнік...

Яшчэ не ацэнена
Кастрычнік. Лета — на "вакацыі". Ці на Мальдзівах, ці на Мальце. А восень — майстра дэкарацыі — ў тры змены з лісця аплікацыі "артвыстаўляе" на асфальце. Нястомна с промнікамі рыскае ў бярозах, ясенях і клёнах — і "дапрацоўвае" над рыскамі іх "асвятлення" — і вятрыскамі здзімае "лішкі" ў "асвятлёных". Вальсуе з імі, карагодамі паўсюды кружыць — бы гуляе у даганялкі з іх "свабодаю"— і, перамогшы, з асалодаю пад ногі некаму шпурляе. Дажджом чэканіць, таушыруе і лепіць слотным суперклеем да тратуараў... І пазіруе: з неадшукаўшым волю выраем лістоты восеньскіх алеяў. Air Jordan Sneaker

Чароўная восень

Сярэдняя: 4 (3 галасоў)
Чароўная восень. Кастрычнік, а сцюжы — ніякай. Далонейкі лісця прасвечвае сонца рэнген. Надвор'е такое... такое..., што... "Божанька, дзякуй!" — за ціхае шчасце — прымаць па глытку гэты дзень. За простую радасць і смак ад жыцця-існавання пад сінню крыштальнаю, пад залаценню манкой. За ветрыка ласку, за хваляў цяпла цалаванне, за міласць прыроды, лагоду яе і спакой. О, дзякуйце неба за тое, што мір спасылае! Шануйце зямлю, што дае вам і хлеб, і пітво! І слаўце Тварца! Паглядзіце: ад краю да краю цудоўныя справы Яго, і на ўсім — хараство! 10.10.2014 adidas

Усе аўтары